Crito iki mung fiksi lho lur..alias ming karangan ,ojo di kiro tenanan wkwkwk dadi nek ono jeneng utowo papan sing podo yooo maaf 😀
Critane ngene...
***
Aku entok proyek seko kantore koncoku jenenge CV Amiluntur kon gawe blumbang iwak, neng sekolahan SD terkenal DIY. Sekolahane jian jembar buanget wong isih bekas peninggalan londo bangunane, pojok beteng kae lho lur...wkwkwk .
Gandeng ming gampang tak jikuk, ning yo kui lur, kudu lembur mergo nek isuk dinggo sekolah bocah bocah. Tukang telu we wes nyukupi. Seminggu kudu dadi apik.
ok siaaap.. laksanakan !.
Dadi mulaine nggarap jam 12 awan nganti surub ndak ngganggu cah do sekolah,
Jam telunan wes mulai aktifitas dunia lelembut pating sliwer roto roto anak londo do playon wkwkk. Biasa lur, ning sing menarik perhatianku ono wujud badan alus ora melu gojek koyo liane. Ming dolanan dewe , wedok lur. Kiro kiro kelas 5 - 6 , nek praupane jelas dudu londo, ning wes ketok bakal dadi cah ayu, putih rambute sak pundak. Terus terang lur aku ki sok mesakke banget nek ono badan alus wedok isih bocah , mboh ngopo aku dewe ra ngerti .
Deknen nyedaki aku , nyawang kiwo tengen mungkin batine , iki arep di gawe opo??. Njuk dolanan pasir ora sadar nek tak gatekke. Bareng tukange pamit bali, aku isih nunggoni cahe dolanan pasir. Alon alon tak sapa
" wes sore kok ra bali ? Ora di goleki wong tuwamu po ?" ..deknen ming clingak clinguk nggoleki sopo seng tak ajak omong, njuk bali dolanan pasir meneh..
"nek dolanan lemah ngono kui ,nek klambimu reget ora seneni ibumu po ?". Deknen tros anteng njuk mengo alon alon nyawang aku, njuk clingak clinguk meneh nggoleki sopo seng tak jak omong...
" hayo kowe kui lho nok ! Kok malah koyo wong bingung..!" Bareng sadar nek deweke sing tak jak omong , malah dadi koyo wong wedi . Mundur mundur njuk mlayu njrantal nembus tembok koyo bar diweruhi menungso wkwkwkk..
Hari berikute lur, bocahe ngetok meneh. Genten aku seng di gatekne wkwkwk deknen namatke aku terus ning karo amping amping cagak ,durung percoyo nek aku iso weruh . Langsung tak undang
"Ndene... rasah wedi.!" Deknen juk moro alon alon..
" jenengmu sopo nduk cah ayu ?" Takonku , deknen isih namatke aku terus, sajak gumun.
"ditakoni kok meneng wae ! Jenengmu sopo ?" Takonku mbaleni
" Anii..!" Wangsulane deknen alon.
"Ani sopo ? " Deknen gedek gedek njuk malah ngruket awakku karo nangis ngguguk sajak bungah banget.
Ani...Oh Ani...
Lebar ngerti nek aku iso weruh njuk deknen ketok seneng , malah nemplek koyo prangko wkwkwk.. Bola bali nggandeng tanganku dijak mubeng mubeng sekolahane wkwkwk aku yo ming manut wae. Malah duwe momongan lelembut kih. Tukangku nganti gumun dikiro aku kentir ngomong dewe wkwkwk. Ning ra tak omongi ndak wedi njuk ra nggarap gawehane malah cotho mengko..
Mbasan wayahe bali ,si ani ngrengek ngrengek njaluk melu hedeeh ,
"yowes ayo gek mbonceng kene..!" Omongku.
Deknen ketok seneng banget wkwkwk ,bareng wes tekan omah jian mbungahi opo opo di deloki ,njingklak njingklik ,mlayu mrono mrene . Tingkahe ngguyokke, jebul nek nduwe bocah cilik ki nyenengke ,suasana omah dadi ketok urip hedeeeh. Aku kelingan nek neng, gudang aku duwe dolanan boneka ,boneka bekas nggone ponakanku ,wuaah ndelok ekspresine si Anii dadi ngguyu dewe aku wkwkwkk.
Ning suwe suwe njuk trenyuh rasaku. Njuk sopo seng tegel mateni kowe nduuk cah ayu ??..nitik ono bekas luka tusukan nggon dadane . Suwe suwe kok njuk seneng aku karo bocah iki. Ojo salah tompo lho lur..! seneng karo bocah ora seneng antarane lanang wedok wkwkwk. Jian tak ujo njaluk opo wae tak turuti . Tak gawekke kamar dewe, tak desain kamar cah wedok wernane pink komplit sak isine wkwkwk. Tak tukoke boneka berby wakeh ben betah karepku . Nek di pikir malah dadi kentir aku. Nek aku lungo deknen tak pamiti njuk dolanan dewe neng omah, rasane malah koyo wes duwe anak aku..
Lah sak wijining ndino aku ngimpi jiann ceto banget. Aku ngerti ngerti wes neng omahe uwong mboh omahe sopo . Neng kono ono wong limo wedoke siji mboh do rembukan opo ora ceto . Sing jelas ono salah sijine rupane bagus pakeane rapi nylempit peso njuk seng wong telu do teng glundung do ditusuki klebu wong wedoke. Getih getih do teng klepret neng njobin. Tros ono bocah wedok bali m seko sekolah. Ora pangling Anii ....! mlebu omah kaget weruh wong do godres getih. Lagi arep mbengok wes disikep tross cress...
"ANIIIIII....... ! GRAGABAN tangi..
Ora sadar aku mbengok banter banget. Tak sawang si Anii wes lungguh neng jejerku ndelokke aku karo wes ndrejes eluhe nangis sesenggrukan..
Ani...Oh Ani...
Tak sawang ketok Anii nangis sesnggrukan sengal sengal ,koyo ngerti opo seng tak impekne. Ketok nek bocah keweden, njuk tak ruket.
" sabar yo nduuk ..!" Omongku , tros tak colke tak cekeli pundake. Tak tamatke raine melas banget.
" Anii seng sabar yo..! Iki mbok menowo pancen wes di takdirke karo gusti nek kowe di temokke karo aku..! Ani...! Ndangako nduk.! ojo sedih, ojo wedi..! Aku janji bakal tak cekel Bajingan seng mateni kowe aku janji..!"
Ani tros ndangak namatke aku tros tak peluk meneh, ning janjane aku sadar nek kasil kebongkar aku bakal pisah karo Ani. Mesti kui. Ora kroso mripatku mili banyu. Kasus di bukaaa !
***
Isuke aku moro neng sekolahan ngiras pantes ngecek gawean seng meh rampung, takon takon karo bagian TU , ngecek siswi seng jenenge Anii, di goleki datane karo pegawe TU ne..
" Nggak ada je taun ini kelas 5-6 yang namanya Anii..!" Aku yo melu nggoleki nek jeneng Ani ono..! neng fotone bedo.
Lagi sibuk nggoleki ndilalah ono guru wedok mlebu, ditakoni karo mas Aji pegawe TU
" ngertos siswa kelas 5 nopo 6 seng medal seking SD mriki jenenge Anii..?" Deknen ketok nek ngeling eling.
"Anii..? Sek koyo tau krungu...Ooo....ada..ada mas itu kalo nggak salah taun 93 kelas lima dia pindah apa yaa..! Saya lupa, tapi ada kebetulan saya wali kelasnya !" Jare bu Dian guru senior SD kono.
" Dulu malah sempat tak tanya kok nggak pernah masuk ada apa sama tetangganya katanya pindah mendadak ke luar jawa....! " Jare bu Dian.
" coba mas tulung nek ono Fotone..!" Akonku karo mas Aji.
Ora suwe lur, fotone ketemu hitam putih. Lhaaaa iki seng tak goleki, akhire ketemu. Malah buku rapote yo isih di simpen sekolahan. Sudah ada tanda tanda titik terang. Neng kono Jeneng bapak ibuke karo alamate yo ono jelas hahaha ciandak kowe.
Ani...Oh Ani...
Bareng wes ngerti alamat omahe Ani aku pamit mulih, karo ngesel mas Aji duwit biru tanda trimakasih ning di tolak mergo ono Bu guru Dian wkwkwkk..
" Alahh empun mas mboten sah !" Jare Adi wkwkwkkk. Emang tak sengojo lur wkwkwk.
" mas aku sendiri juga penasaran kalau perlu apa apa ini no tepun saya ! " Jare bu Dian
" siaaap buu !" .
Nek alamate ki jane cedak ro sekolahane , bapake jenenge Setiawan ibune jenenge Nuruul. Ning kok aku kangen karo Ani yo, bali ndisik we lah mengko sore tak parani meneh.
Tekan omah si Ani wes ngenteni neng teras ngarep. Ngerti aku mulih seneng banget wkwkwk.
" anii tak bawain oleh oleh kesukaanmu nih..cilok !"
Tros tak seleh piring wkwkwk nek ndelok lelembut mangan ki yo ngguyokke lho lurr, plek koyo wong lumrah mangan ming barange ora ilang. Ning gumunku nek pedes ki deknen yo uhah uhah wkwkwk aneh yo lur.agi asik dolanan ro Ani krungu suoro motor bebek dua tak 75 edek edek edek mandek neng ngarep omah hhhedehh. Aura buruk datang sopo meneh nek ra si p. Deknen langsung mlebu omah
" Ayoo...! Ko bengi kaaat apik iki !" Jare si p ngajak golek lawoh mancing lumbon.
" Ora pee..! Prei ndisik ..!" Wangsulanku ,si p njuk matane jelalatan nyawang kok ono seng berubah. Njuk ndelok kamare Ani rodo curiga ndelok rupane wkwkw
" Kowe arep rabi po ? Kok gawe kamar pembantaian " Takone si p.
" Lambeeemuu..!"
" Lha kui ono kamar di cet jambon tros dipane anyar...? Ning kok ono boneka boneka? Maksute opo iki ?" Takone si p kepo..
" ojo ojo kowe ngetengi uwong yo !" lanjute si p
" Hedeeh ndene tak omongi..!"
Trus si p tak critani. Deknen manggut manggut koyo wong mudeng .
" Opo kowe pingin weruh..? Tak ke'i minyak surgawi koyo ndisik kae po ? "
" GIYAAAH..!"..wkwkwk..
"Anii iki koncone si Om ! Jenenge Om pee..! Ora galak iki wes jinak ming rodok mambu mergo jarang adus...!"
" Hallo Anii..! " Jare sip karo ngulungke tangane wkwkwk..
" ayu ra bocahe ?" Takone si p kepo..
" yo cantik ya ni ya !"
" Nek kejadiane th 93 berarti saiki umure wes pitu likuran haha niyat iso meteng !" Jare si p ro mangani cilok,
" lambemu pe...! Iso ngetung ora kowe ki.!" .
" Dolan we yo pee !"
" Nengendi ? "
" Gembiro loka , wes suwe ra niliki pacarmu !" Wkwkwkk.."
" yo ayoo..!"
Sidane wektu kui malah do dolan neng mbiro loko wkwkwk pisan pisan momong bocah wkwkwk si Anii ketok seneng banget, ngguya ngguyu opo meneh ndeloke tingkahe si p sing paling di senengi Anii numpak sepur sepuran...wkwkwk..
Bareng wes kesel leren ndisik neng korsi taman cedak kandang macan kae lho lur. Wektu kui pengunjunge akeh ,sinambi cres bul bul ,karo nyawang cewek cewek seng bening bening wkwkwkk. Lagi asik cuci mata kok njuk di kagetke bengoke si Anii..
" Buuudeee....! " Karo tangane nunjuk pawongan wedok nggandeng bocah cilik.
" Bude..?? " Bude sopo nii ?" Takonku ..
" Bude sriii..!" Omonge ani. Langsung tak playoni lur pawongan wedok mau ndak ilang wong akeh je.
" Nuwon sewu !" Omongku ro mengkis mengkis..
" mbak sri nggih ?" Deknen nyawang aku njuk mantuk.
" sinten nggih kulo kok rodo pangling ?"
" Njeenengan mbak srii ngihh ?"
Hoos.. hoos.. hoss.. hedehh suwe ra olah raga ming mlayu sedelok we mengkis mengkis !
" Enggih leres. Lha njenengan sinten ?" Takone mbak sri ,
" Di tepangaken nggih mbak kulo Arjuna !"
Ngapusi sitik ra popo to lur wkwkwk mergane pas banget karo tampangku . Raoleh protes lho lur wong kowe dewe we yo rung tau petuk Arjuna asli wkakwk..
" Lha niku seng di gandeng putrane nopo ?" Takonku iseng..
" wkwkwk... sanes mas niki putu, anake mbarep kulo !"
" Ooo..... momong putu to ! Lha sak niki lenggahe teng pundi ? "
" Lha kulo ket mbiyen nggeh teng magelang ..!" " Oo..... alamat lengkape mbok mbok nek pas dolan mriko tak mampir..!"
" Lha njenengan ki jan jane sopo ? Wkwkwk hedeehh.
" kulo cobo tak takon ning di jawab jujur nggih. Njenengan tau duwe ponakan seng jenenge Anii ??"
Bareng aku nyebut jeng Ani rupane sri langsung rubah dadi serius.
" nggih.. Anii niku anake adi kulo Nurul, sakniki manggon teng pundi ? kulo le nggoleki pon pirang pirang taun kangen banget karo nurul. Sakniki teng pundi si nurul ??" Karo lingak linguk nggoleki si nurul hedeeh..
" Lha mboten ngertos. Jan jane kulo niki yo nggoleki je..!" Omongku..
" loh...l ha mau mlebune liwat ngendi ? Mbok lapor ben diumumke nganggo pengeras ..! omong digoleki mbak sri ngoten cepet selak pingin ketemu aku !"
" Hedeeh.. maksud kulo niku mbak nurul mboten teng mriki"
" nurul mboten melu to..? Lha sakniki Anii teng pundi..? Wes sepiro bocahe ? Wes duwe bojo durung ? Njuk anake wes piro ? Mesti ayu bocahe mbiyen cilikane wes ketok ayu..! Njenengan bojone Anii po ? Kok yo ra kabar kabar..!"
Hedeeehh mati akuh di brondong pertanyaan koyo ngono kui. Ora let suwe teko rombongane mbak sri tak deleng ono bapak bapak karo wong wedok 2 'stw karo seng siji enom neng wes nggendong jarek sajake anake Sri ,mboke cah seng di gandeng kui..
" Pak, iki lho bojone Anii...!" Omonge Sri sok tau..
" Anii sopo ?"
" Anii anake Nurul !"
" Yaa Allaah, Anii anake mbak nurul ..!" Bengoke wong wedok loro meh bareng..
" lha.. mbak nurul saiki nengendi ? " Takone wong wedok sijine
" ora melu jare..!" Omonge si Sri sok tau..
" Yowes mengko mampir neng omahe sisan ,po mbak ! Kangen banget aku karo mbak Nurul...! Lha iki Anii nengendi ani ??"
Haduuh.... peeeeee...! Toloooooooong wkwkwk aku di kroyok ibu ibu hahaha.
Aku jian blas ora dinei kesempatan nggo ngomong. Seko kadohan tak delok si p mlayu mlayu..
" Hajiinganii, tak goleki mubeng mubeng affuoq (hoss hoss)nganti lempoh. Ngerti to nek aku ra nggowo duit blas..! Nek mbok tinggal iso bali mlaku tenan !" Omonge si p karo krenggosan
" seng arep ninggal ki yo sopo..? hedeh..!
" Lha mau lagi tak tinggal nonton iwak gede banget, iwak aipama kowe wes ra ono. Lehku nggoleki nganti tekan nggon munyuk munyuk kae (hoos.. hooss) bol malah do ngobrol neng kene. !
" Lha tros iki sopo mas Arjuna..? " Takone mbak Sri wkwk
Ani...Oh Ani...
" Lha iki sopo mas Arjuno ?" Takone mbak Sri karo ngejak salaman si p seng isih mengkis mengkis. Si p njuk namatke aku.
"whaat..!!! Arjuna..?????? , Sejak kapan kowe ganti jeneng ?"
"Sssttttt...!" Karo tak pentelengi raine si p sajake deknen mudeng karepku.
" Oohh..! di tepangke kulo rencange mas Arjuno niki, kulo Dosomuko !" haha
"anjiiiiirr sejak kapan Arjuno duwe konco Dosomuko. Jan jane kowe dong wayang ra to peeee...! Hedeeh" Untung wae kluargane mbak sri yo ra dong wayang.
" kulo Sri niki bojo kulo , Putra naminipun..! njuk wong loro niki adine Nurul, Gita kaleh weni. Lha niku anak kulo wedok wijiati ..!"
"Ngeten mbak ..! Jan jane kulo niki yo lagi nggoleki mbak Nurul ibuke Anii..!" Aku nggenahke omongan
" Piye to ikih kok aku malah dadi bingung..!" Omonge mbak sri.
" Niki dowo critane mbak , sing baku nggo golek papan seng iyup ben penak ngobrole..!" Omongku njuk do jagongan .
" kapan njenengan terakhir ketemu kaleh Nurul ?" Takonku nlesih .
" kapan yoo ? Wes suwe bianget mas juna !"
"Trakhir kae lho....! teko karo bojone arep utang limang juta ning awak dewe ra duwe njuk bojone nesu nesu !" Bojone mbak sri melu nimpali omong..
" bojone nurul niku jenenge Stiawan nopo ?"
" Enggih...! " Wangsulane meh bareng nganti koyo koor ! Wkwkwkk...
" Njenengan kenal nopo ? Mesti setiawan duwe utang njenengan !" Omonge Gita sok tau " untunge mboten !" Omongku wkwkwkk dasare yo aku dewe ra gablek wkwk.
***
singkat crito ngene lur..
Setiawan bapake Ani kui mbien bukak toko alat alat tulis laris jare, wong ono poto kopine barang. Ning gandeng deweke (si setiawan bojone Nurul) melu perkumpulan kejawen njuk usahane terbengkalai alias bangkrut mergo duwite sitik mboko sitik kesedot neng dunia per klenikan..
" maksute piye to kui mbak ...?? dunia perklenikan ??" Takone si p .
" Kui lho mas, jare ono emas pirang pirang ton dana refolusi jaman pak karno jare seng isih di simpen jin. Aku mbiyen we yo sempat melu melu je mas..! Untunge di elekne karo dek Srii" Omonge bojone sri
" Lha setiyawan kui dukun po kiai po opo to ? kok ora muden kulo ??" Takonku melu melu kepo wkwkwk
" Udu mas..!! deknen ki bagian golek sarono; bongso kon tuku candu , minyak minyak seng regane jutaan. Lha terakhir kepetuk niku lak deknen arep njilih duwet limang juta ajeng ngge tuku minyak nopo kulo lali dinggo ngijoli jin seng jogo emas ber ton ton niku. Jaree nek kasil ajeng di balekke dadi seket juta. Ning gandeng wektu niku kulo yo ra nyekel duit dadi ora tak silihi tros nesu kalih kulo ngejak pedot le paseduluran. Tros blas ra kocap tekan sak niki, nek kabare sak kluarga do pindah teng luar jawa. Neng nangendi ora ngerti !" omonge bojone sri
" Ooo... dadi dukune kui iso menggandakan duit ngono po ?" Takone si p.
" jareenee..! Jawabe bojone Srii.
" njenengan wau ngandakke nek tau melu ubyang ubyung kalih setiawan ! Nah wong pintere mesti sampean yo kenal to ?" Takonku nlesih meneh.
" jenenge Romo Prapto !" Omonge bojone sri..
Dyaaaaar ciandak ra kowe.
" pon tuwo nopo isih enom ? Mbiyen lho pak seng kulo takokne ?? "
" pas niku isih enom mas sak umuran kulo paling ning pun di undang Romo... ! mergo sekti banget..!" jare Pak Putra bojone srii..
Hikiiih seng tak goleki. Duwe lawan seimbang akuuh. Ora kroso untuku krekot krekot mergo ngampet selak kepingin ngajiiiar si Prapto dukun apus apus..
-----------------------------------------
Mbok menowo wes di atur karo Gusti po yo lurr ! Kok iso ditemokke keluargane Anii neng kebun binatang. Malah diwenehi titik terang nadyan durung ceto nek seng mateni kluargane Anii , Jenenge Romo prapto, kui iseh dugaanku lho lur..! Ning dugaanku biasane bener ming sayange si prapto saiki manggon ngendi do ra ngerti..
Singkat crito yo lurr Gandeng tak sawang si Anii yo wes ketok kesel , aku njaluk pamit karo mbak Sri sak kluargane. Aku janji arep moro karo Anii neng omahe magelang wong wes diwenehi alamat jelas karo no telpune.
Bali ngulon arahe ,gandeng ngliwati jok teng.
" Pee.. cobo nggoleki alamate Ani yo..! Sisan wong yo ngliwati !" Omongku
" yo ayo.. ngerti po omahe ?" Takone si p
" yo nggoleki ndisik...! takon takon ..! nduwe cangkem nggo ngopo ?" wkwk maklum lur.... wektu kui rong ono google map hehe nek alamate aku apal .
Mbasan ketemu , jebul omah kontrakan. Seng manggon tak takoni kluarga setiyawan ra ngerti. Hedehh.. pantesan kok bedo karo nggon impenku.
" hambok takon seng duwe omah kontrakan iki mbok menowo ngerti !" sarane si p ,
" wah cerdas juga lu pee !" Wkwkwk.
Jebul seng duwe omah yo ra adoh ming ngarepe. Mbasan omahe tak dodok jegagik....! Jebul omahe konco rombongan mancing
mbah joyo wkwkwk
" loh kowe to kung ? Kok ngerti kene karo sopo ?" Takone mbah joyo
" karo kae ..!" Omongku nunjuk si p.
" Wooh... mastere !" Jare mbah joyo .
" Kene mlebu ! Ngejak mancing po? Kapan ?" .takone mbah joyo karo nyalami aku, " Ora mbah, geblah gebleh terus !" Omongku
" wuuu... podo kung !" Wkwkk...
wah gandeng nengomahe bolo dewe aku njuk ngebel Resersene ben kumpul sisan. Sopo meneh nekra bang Ahmadi. Ora let suwe wes do kumpul ngobrol ngalor ngidol ,tak sawang si Anii yo ketok wes biasa karo omahe mbah joyo, mbiyen mesti sering sobo kene batinku.
" Mbah jan jane aku ki arep takon , ngarep omah kui tau di kontrak keluarga Setiawan to ?"
Mbah joyo ngeling iling njuk
" iyo.. bener wes tau !".
" Kelingan ra mbah setiawan duwe anak cilik jenenge Anii ?" ,
" Iyo kelingan wong sering sobo rene mbiyen !" Jare mbah joyo .
" Ngotrak 2 po 3 taun yo ..? Aku lali...! Ning njuk pindah ora neruske kok kung !" Lanjute mbah joyo
" Pindah ngendi mbah ?" Takonku
" kono neng daerah ringrut barat .."
" ngerti mbah nggone ?" .
" Hayo ngerti wong wektu kui aku melu usung usung.! Lha piye to ?"
" Nahh ngene mbah mbok menowo iki wes di atur karo gusti nek kasus iki bakal terbongkar...................."
tros tak critakke kabeh seko A nganti z. Ngerti ono kasus misteri ngeneiki kang Ahmadi langsung semangat
" sesok paranih..!!! Mengko tak gawekke laporane.." jare resersene
Ani...Oh Ani...
" Kok gasik men kuang !" Omongku karo isih ongap angop
" ben ndang rampung, ayo sarapan sek !" Omonge Ahmadi karo ngetoke gudek tempelan .
" Si p ?"
" Mau wes tak bel takon njujug rene..!" Jare Ahmadi .
Ora suwe wes krungu suarane ,mbahne FU 75 ...edek edek edek ,
" woh wes di mulai to acarane ?" Omonge si p karo nyaut gudek tempelan .
Bubar sarapan ora lali cres bul bul ro ngopi ngopi sek wkwkwk.
" sek yo tak adus sek...!..kowe wes ados po pee..?" Takonku
" hayo jelas..! mboh nek polisine iki !" Omonge si p
" nek deknen yo jelas uwes !"
" Hayoo durung karuan !" Wkwkwk..
Bar adus Niliki Anii neng kamare tak sawang deknen ungkep ungkep neng dipan nangis mingseg mingsek
" lohh.. ngopo ni kok nangis ..?"
Deknen ora njawab ming langsung ngrangkul njaluk gendong hhedehh. Sajake ngerti nek arep tak jak neng omahe, mungkin isih kelingan kejadian seng nggegirisi.
" Wes cup menengo cah ayu" karo tak gendong metu..
" Wes ayo gek mangkat ! Mbah joyo wes ngenteni neng prapatan demak ijo !" Omonge Ahmadi. Tros gage budal ,
" iki perjuangan lho pee...! Ora ngarep arep imbalan !" Omongku ro si p
" ora.... oraaa...! iki demi Anii..!" Jawabe si p
Ora suwe ketemu omahe kontrakan setiyawan. Mergo di terke karo mbah joyo jiaan teplek koyo seng neng njero impenku ndisik. Omah cilik model kampung , wektu kui yo isih ono seng ngenggoni. Tros di rembuk karo kang Ahmadi jare arep nggo nggoleki barang bukti surat surat penggledahan komplit seko kepolisian wes di siapke kang Ahmadi .
Anii tetep wegah uwal seko gendonganku raine didelekke neng pundakku ! , Wegah tak jak mlebu omahe samben aku arep mlebu omahe sikile ngroncal ngroncal njaluk metu kae lho lurr hedeehh...
" Ndak papa nii..! Ojo wedii ! Orangnya sudah pergi kok !" Lehku ngerih erih Anii ben gelem jak mlebu.
Bareng mlebu jiaan teplek koyo seng tak impekke lur. Prabotane, mejo kursine isih podo. Njuk si Ani tak dokke tak lungguhke neng kursi..
" Anii.. si om mau tanya. Habis kejadian itu tubuhmu di taruh mana..? " Takonku alon.
Deknen ora njawab , wah nek nganti Anii ra ngerti modyar ikih. Iso kisinan akuh. Tak baleni tak takoni meneh deknen njuk ngongkon aku kon lungguh neng ngarepe tak kiro deknen arep njalok gendong mburi. Aku kon merem , jebol tangan mungile ani ndipet mataku seko mburi tak rasakke mak ces anyep neng tlapukanku njuk ono kaelokane gusti , aku merem ora peteng ning malah byaak...! padang putih koyo keno sinar mataku nganti sulap.
Njuk samar samar cahyo putih mau redup njuk ketok ceto neng ngarepanku gegambaran seng nggegirisi . Getih ngalir seko badan badan seng wes mbelasah neng njobin. Tak sawang ono jenasah papat , seng siji ora pangling kuwandane Anii kang godres getih. Klambi seragam SD seng putih wes kebak getih. Koyo koyo aku di uncalke ngliwati dimensi waktu dadi weruh ceto kejadiane. Ming kupingku isih krungu bengoke si p ,geger nek aku kesurupan jare...
" Menengooo, peee..! aku ra popo..! Malah nek iso do metu kabeh ndisiktak rampungke perkoro iki..!"
Njuk krungu sworo langkah langkah soyo adoh. Tak sawang jenasahe Anii isih obah obah kojel kojel nahan loro sajake. Wong 2 bubar mateni njuk ketok bingung ning seng bagus ketok luwih tenang , opo iki seng jenenge Romo prapto..? tros seng siji awake rodo gede putih pakulitane koyo cino ketok nek ming anakbuahe. Wong loro do rembukan opo ora ceto ming seng koyo cino mau njuk gage ngunci lawang karo nutup korden seko njero. Tak sawang neng mejo ono ubo rampe sesaji komplit sak kembange sajake bar nglakoni ritual opo mbuh..ra ceho.
Teros prapto seng bagus ,pakean batik rapi koyo wes nggowo linggis cilik njuk akon seng awake gede kon nduduk lemah nganggo pacul , neng longkangan mburi omah gajluk..! sajake pacule nemu septy tang ( jumbleng ) njuk di bukak ..
Tak sawang si Anii jebul durung mati. Isih iso tangi njuk krekel krekel mrambat mrambat arep mlayu neng konangan karo dukune, di playoni tros di gebuki nganggo linggis cilik sak kayange ,nganti bola bali. Nganti Anii ambruk meneh padake nggebuki opo wae. Getihe muncrat neng joben nganti dleweran. Secara reflek aku arep tak cegah neng ora isoo.
" Aniii... ohh.. Anii.. Bajiiiiingggaaaaan !"
aku mbengok ora sadar. Aku ming iso nyawang neng ora iso opo opo. Atiku jan koyo di iris iris. Ora kroso luhku mili dewe jiaan sadis tenan kowe. Njuk kwondo papat lanang loro wedok loro termasuk jasadte Anii, mau mboko siji di seret di cemplongke neng njumbleng sak ubo rampe sajen di cemplongke sisan njuk di tutup di cor semen ..
Bar kui njuk do copot klambi , tros getih seng wes mulai kentel neng jobin di utuki pasir tros di pel jian rapi banget. Tak sawang seng awake gede putih mbuh sopo jenenge, nggon, lengene ono tato gambar nogo tarong karo elang. Tros tak gatekke si romo prapto mlakune kok rodo pincang bareng tak gatekke luwih permono jebul sikile dowo sisih. Mlakune gejlog koyo gareng . Wes aku nyebute si Gareng wae. Mbasan rampung le resek resik , gareng njuk oprasi barang barange Styawan . Lemarine diobrak abrik. Seng payu di dol di lebokke tas gede. hedeeh..keree kere..!. Njuk do adus tros salin sandangan njok metu omah mboh nengendi , jian biasa banget , ora ketok nek bar mateni uwong.
Njuk pet peteng . Sirahku kroso yer yeran koyo bar di ubengke njok mboko sitik padang wes bali neng dimensiku dewe. Si Anii langsung tak kekep suwi ora kroso lohku ndrejes meneh. Lagi kasus iki lur aku dadi cah gembeng..
Aku tros metu omah , Jebul neng njobo wes do ngenteni , malah ketambahan wong deso kono do kepo ono opo kok akeh aparat hedeeh .
" Kang Ahmadi mbok tulung garis polisine kui di copot wae ! ndak dadi perhatiane uwong, ketekan wartawan britane nyebar malah kacau awak dewe mengko..! Masalahe penjahate iki dugaanku ora baen baen , iki wong pinter , lunyu koyo welut..! " Akonku.
Tros gage di copot karo anggotane Ahmadi.
" kok ndang akeh uwong to iki. Kae barang buktimu neng mburi omah !" .
Singkat crito , bareng jumbleng di bongkar tenan wae di temoke balung balung tengkorak cacah papat. Wes kui bagiane forensik sek nangani seng jelas kui tengkorake styawan, nurul, Ani , karo sijine no name. Kang Ahmadi yo uwes ngabari mbak Sri dulure Anii sek neng magelang. Malah keporo mbak sri njaluk jenasahe kabeh arep di makamke neng magelang.
Ani...Oh Ani...
Jenasah kang wes ujud tengkorak ,di kukup di gowo neng RS di teliti kapan perkiraan hari kematiane , keno opo kok iso mati. Nek miturut aku wong mati ki mergo ilang nyawane. Gandeng iki dinggo urusan kepolisian makane datane kudu komplit. Ming gumunku kok yo ono ilmu seng dinggo ngerteni ,iki matine kapan, keno opo mleseto yo ora adoh.
Aku karo si p yo melu ngeterke jenasah neng magelang. Langsung njujug neng makam, tekan kono di rukti di dongani tros di kubur dadekke siji. Ora okeh seng layat lur. Ming keluargane Nurul . Bareng wes rampungan aku sak rombongan leren ndisik neng omahe mbak sri mbakyune Nurul, ngiras pantes melu tahlil ndongakke Anii sak bapak ibune..
Jam limo sore aku sak rombongan njaluk pamit mulih. Kluargane sri banget anggone mator nuwun karo bapak bapak polisi ,lan pesen nek wes ketangkap penjahate kon ngabari.
" Siap..! " Jare Ahmadi.
" Mas Arjuna kalih mas dosomuko nek mancing teng daerah magelang mbok mampir !" Wkwk
Ahmadi ngerti aku ro si p ganti jeneng, ming ngekek.
" Sing biyangane ki kowe kok peee ! Ganti jeneng kok Doso muko !" Hedeeehh.
"Loh dosomuko kui lak kakange Arjuna to ?" Jare si p
"watoooon tenan kowe pee..! Kakange Arjuno ki Burisrowo ! makane sering nonton wayang..! Ngerti budaya Asli nggone dewe ora ming ndangdut wae seng di delok ! omongku
" Alah .... koyo dapurmu po ora neng ndangdutan mesti neng ngarep dewe ming arep ndelok katok to ?" Omonge si p genten ngeles aku..
" wuuu...raak !"
"Lanang po wedok kui burisrowo...?" Takone si p
" Hayo lanang...! Wong jenenge pendowo limo ki lanang kabeh goblok banget koe .!"
"Lanang kok Bu..?" Takone si p
" Asssemboh peee..! Diomongi maido dadi males rembukan ro wong goblik..!" Jare ku..
Neng perjalanan seng di bahas ming piye carane nemoke dukun apus apus si mr Gareng , alias Romo su prapto , iki. Miturut dugaanku wonge saiki mesti isih urip.
" Njuk piye iki kung ?" Takone polisine.
" Aku dewe sak iki yo ra ngerti ..! ning aku percoyo nek mengko gusti mesti bakal menehi pituduh nengendi dununge Dukun baik iki !".
Mbasan tekan omah aku njujuk mlebu kamare Anii. Neng dipan ono kembang mawar sak ceplok isih seger neng Anii ne ora ketok. Koyo biasane njuk krungu ono sek ngundang aku ora pangling suarane Anii. Aku tros noleh . Wes tak bedek Anii wes nggandeng wong tuwane.. Ani njuk marani aku tros ngekep awaku..
"Aku mau pamit om, mau pergi jauuuh sama ayah ,ibu..!"
" Ya...Anii..!" Jan jane rodo abot aku ngecolke Anii mergo wes bacut kegowo roso seneng.
" si om jangan sedih..!"
" Endaak ...! Si om ndak sedih ! " Omongku karo ngusap luhku netes dewe.
" Pergi lah nii.m kamu sekarang sudah bebas. Slamat jalan Anii..!
Setiawan karo nurul kang wes dadi badan alus njuk nyedaki aku njuk do ndeprok nengarepku
" matur nuwun banget yo mas..! "
" Wes gage lungo.o mugo mugo lepaso paranmu jembaro kuburmu..!"
Njuk sitik sitik wewujutan telu ilang tak kedepke meng kari aku.
============================TAMAT========================
0 $type={blogger}: