Koyo biasane lur, tak critani meneh ning iki ming fiksi lho ! , alias crita ndobos. Ora usah dianggap serius, haming critane wong selo. Mangkane ora oleh diprotes!
Lha ming ndobos kok di protes, ketok nek kurang gawean bingit, iya to lur
Crita ne ngene
Sore-sore jam lima nan udyane isih nggrejih, padahal le udan wes kawit isuk mau lho, marai males ngopo ngopo, sakjane aku wes duwe rencana isuk arep mangkat mancing karo si P hhh dadi gagal total, akhir e ming glundang glundung koyo melon, gek weteng ngelih meneh hedeeh.
Lha kok samar samar krungu swara " TING TING TING" .wah jelas BAKSO ider kae, udan udan mbakso jos ikih.
Gregah menyat seko dipan, nyaut payung , metu ngomeh nggoleki sumber swara. Clingak Clinguk, kok sepi ora ono bakul bakso liwat?, hajilak tenan og, numpak motor po yo le ider?.
Bakul bakso jaman now. Hiiss jian niat dodol ora to?, aku ki paling mangkel angger dodol do nganggo motor, lha piye lagi di jikukke duit, bakule wes bablas minggat.
" TING TING TING ". Woooo... Jebul bakul isih ndepis neng cakruk 😂.
" Bakso komplit mas! " omongku nembung karo ngluntung payung.
" Kulo mboten dodol bakso! "
" lha dodol opo? " takonku karo nginguk grobake kebak buah.
" lotis mas! "
" Lha sing TING TING TING mau? "
" lha nggih kulo! "
" Woooo...! cen truk biyangane oq kowe ki..!, ngapusi aku!, biasane Yen dodol lotis ki swara ne TEK TEK TEK nutuk i tutup ketel dudu mangkok! " omongku nggonduk.
" LHA NEK , TUTUP KETEL e KETLINGSUT !, mosok kulo trus ora oleh dodol ! " omong e bakule ngeyel.
" Nek kudune, sakdurunge mangkat dodol kabeh kudu disiapke ndisik, tur ndene, kudu ngerti wayah ! , dagang lotis enak e Yen hawa e awan ora sore ngene iki! "
" SAMPEAN NIKU AREP TUKU, NOPO AREP NAMBAHI MASALAH ..!, SING BAKUL LOTIS NIKU KULO NOPO SAMPEAN?, WONG DIOMONGI GARA GARA KETEL ILANG, LE MANGKAT DADI TELAT..! "
" ilang e nengendi? "
" NEK NGERTI JENENGE ORA ILANG DEEEN..!, jiaaaaan apes tenan dino iki, sedino ider durung kepayon malah dicermahi carane dadi bakul lotis!, sido tuku ora njenengan ki? "
" Yo wes aku tuku?, gawekke sing ora pedes! "
Hedeeh, pingin bakso dadi malah tuku lotis, bareng bakule mbukak laci ngisor njikuk cowek nggo nguleg Lombok, sak klebatan aku weruh tutup ketel.
" LHA KUI OPO YEN DUDU TUTUP KETEL? "
" weh kok iso neng kene to iki? "
" WUUUU... MATANE EE..! "
" weh mau ki mboten enten lho! " omong e bakule karo mrenges
" HASS... TELEK, WES GEK DIGAWE RASAH KAKEAN CREWET! "
Udane akhir e terang, lagi enak enak mangan lotis, ono mobil patroli polisi liwat alon alon, sopir e weruh aku neng cakruk trus mandek, ora pangling kancaku kang Ahmadi kadir.
" kung..!, aku arep dolan omah mu je, wes tak tukokne sate! "
" wuu... Telat !, kene mampir nglotis ndisik! "
" Ora usah !, pantesan tak bel ket mau ora diangkat Jebul lagi lotis an! "
" Kok ndingaren, ono perlu opo ming dolan? "
" iyo penting iki ! " omong e Ahmadi ketok serius.
" yo wis rembukan neng omah yoh! " omongku menyat karo meneh i duit limangewu mbayar lotis.
" nyoh, susuk e pek en! "
Bakul e malah mrengut
Misteri Pembunuh Nyonya TAN
" iki liburan po?, kok balik jogja?" takonkuKang Ahmadi kui bareng okeh mecahke kasus misteri njur karir e munggah trus ditugaske neng pusat.
" Ora yo kung, sing jeneng e Polisi kui pengabdi masyarakat, dadi ora ono preine"
" Abdi kok bayar e okeh ! " 😂😂
" halah kui ming Wang sinawang kung, iki sate ne gek di rahapi mumpung isih anget, tak tukokke papat mbok menowo mengko si P teko"
"loh... Kowe durung krungu kabar po? Yen si P sakiki nyirik bongso daging dagingan! "
" sejak kapan? "
" sejak deweke duwe loro edan! "
" LAMBEMU KUUNG ..! " jare si P ngerti ngerti njedul.
" Padune arep mbok sikat kabeh we! " omong e si P karo bablas mlebu omah njujug dapur njikuk piring, jian nganti koyo omahe dewe.
" Aku jikukke sisan peee..!,karo nggodog banyu , dinggo gawe wedang..!" bengokku.
" Rumangsaku menungso kok koyo laler, angger ono pangan njedul suuoq ! "
" cerewet wkwkwkkkkk! "
" Mau pancen tak bel, lha aku ngebel kowe ora diangkat angkat! " jare Ahmadi.
" Jan jane ana apa to kang? " takonku.
" Ngene kung, tak critani karo disambi dahar "
" walah ming karo si Kung we dahar...!, hambok NGUNTAL ! " omong si P karo nggowo piring.
" cen asu og we peee..teko teko NGUNTAL we crewet! " 😥
"Limang dino kepungkur ono laporan orang hilang, sing nglaporke Bojone dewe " kang Ahmadi mbukak crita.
" Nyonya TAN jenenge, warga keturunan tyonghowa!" omonge Ahmadi karo nduduhi berkas foto terakhir.
woh.. Ayu tenan..luur, Isih enom, umur e tak kira durung ono 30 taun, putih resik potongan sak pundak, nganggo klambi abang, perhiasane mompyor ketok nek bojone wong sugih.
"wes duwe anak durung iki kang? "
" durung kung, lha wong isih manten anyar je"
"jian mirip mantanku iki kang " 😀
" woh...mantan,dadian we durung tau kok mantan! " si P melu komentar
" crewet ! " 😡😡
" Bojone jenenge TAN JI BENG anak konglomerat sugih e ora umum " omong e kang Ahmadi karo nduduhi berkas foto ne.
Cina nyempluk potongan cekak, tak mat matke malah koyo wong ediot.😀🙏
" Bapak e wes mati, dadi si TAN JI BENG adalah pewaris tunggal keluarga TAN! "
" dadi sing ilang ki sing wedok iki?, jiaaan nek tak bandingke koyo beuty and the bist" 😀
"rupa elek ning sugih kuung..!, ora koyo kowe wis elek kere! " si P melu komentar.
" Preeet..! koyo rupamu apik apik o suu..! " 😥
si P malah nyekekek
" Nanging pancen bener omongmu kung, si TAN Ji BENG watak e elek koyo rupane, karang anak e wong sugih, gaweane saben bengi ming clabing, mabok mabokan, narkoba, wedokan. Kerep urusan karo polisi ning yo mesti lolos, mergo ditebus karo ibune, karang anak tunggal banget di manja seko bocah tekan gerang"
"asline TAN JI BENG duwe adi angkat, jenenge TIAN FANG. watak e beda banget karo kakang e, wes bagus pintar, lulusan Amerika, saiki dadi pengacara. Samben kakange kena masalah mesti ditulungi si TIAN FANG. deweke ahli ilmu hukum.
" lha trus Nyonya TAN saiki wes ketemu durung? " takonku
" nek wes ketemu, kang Ahmadi ora mungkin tekan kene kung ! " si P ajar omong
" lha ngene kung, kasus iki wes tak tangani, aku wes moro neng omah e Kluarga TAN.aku wes nemu bukti ono sebercak darah neng ban mobil merci sing biasa dinggo si TAN, ora ming kui polisi wes kasil nemu potongan kulit kepala sing isih nempel neng ban mburi mobil. Intine polisi curiga Yen Nyonya TAN ora ilang ning di pateni karo bojone! "
" APAAAH!! "
Misteri Pembunuh Nyonya TAN
"lha nek wis genah nyonya TAN ora ilang, ning dipateni bojone, kenopo ora di cekel wae si TAN JI BENG? " takonku." Ora segampang kui kung!, barang bukti durung cukup dinggo nyekel deweke, adine angkat si TIAN FANG mesti mbelani, polisi durung duwe bukti sing konkret mengko neng pengadilan mesti kalah ".omonge Ahmadi
" bukti konkret ki maksud te? " takonku ora mudeng
" jenazah..!, polisi kudu iso nemokke jenazah e nyonya TAN, lagi si TAN JI BENG ora iso selak !, njur aku kelingan nek duwe konco kowe kung "
" lha trus opo hubungan e karo aku? "
" ngene lho kung, kowe lak iso ndelok arwah, eee.. mbokmenowo arwah e nyonya TAN isih gentayangan lak iso mbok takoni di kubur nengendi! " omong e Ahmadi njelaske.
" woooo.. Tidak segampang kui perguso, sing jeneng arwah gentayangan kui wakeh banget kemungkinane, aku ndadak metani mboko siji, nek biasane sing jeneng e arwah penasaran, nek ora neng tempat kejadian pembunuhan, yo ngetutke sing mateni, biasane ngono kui ! ".
" makane aku sowan ndene arep ngajak dirimu mbongkar kasus iki, nggoleki jenazah e nyonya TAN " omonge Ahmadi serius
" piye yo kang, aku saiki lagi tipis je "😥
" halah wong cetho diajak, lak yo mesti terjamin to kung ngono we ndadak mbagusi ! " si P melu komen.
" Ojo kuatir nek perkara kui kung ! , kowe melu lho pe !, sesok jam songo siap mangkat nampak pesawat ben cepet tekan"
"siap bos! ".
Go to Jakarta numpak pesawat ming patang puluh lima menit wis tekan. Trus dipetuk polisi, dikawal nganggo motor liu liu, Njujug hotel nyewo kamar, jian serasa seperti pejabat.
agenda pertama
Mengintrogasi TAN JI BENG neng omah e.
Wong telu budal numpak mobil moro neng omah e keluarga TAN JI BENG
Bareng wes tekan omahe....buseeeet iki omah opo istana.
Omah model Eropa, gwede, regol karo omah jarak e mbok 500 meter ono, pinggir dalan nuju omah e di tatani patung patung model Yunani, kiwo tangan taman jian elok tenan, ming ono salah siji patung sing ambruk koyone bar ditabrak mobil nitik seko bekas e.
"wah nek iki omah e pak haji Saridin kalah apik kung! " omonge si P
" Saridin juragan e beras kae po?, hayo jauh, ini jakarte peee...ojo mbok bandingke nenggone dewe ! " omongku
Bareng tekan mejet bel, sing metu wong wedok STW, sajake pembantune.
" pak TAN JI BENG ada dirumah?, kami dari kepolisian mau ketemu " omonge kang Ahmadi karo nunjukke identitas kepolisian.
" Ada..!, tuan muda TAN ada di rumah " jawab e pembantune gage mbukak e Lawang.
" silahkan duduk dulu , Saya panggilkan tuan muda! "
Jian ruang tamune Jember banget akeh hiasan patung karo guci gwede gwede, nek iki tetep horaa umum!
" omah gede ne sak mene kok panganan sak cuwil we ora ono! " jare si P
" wuu.. Kowe sing di pikir ming untalan wae, kui ngrikiti guci! "
" Ora tedas cok! "
" pantesan sugih, wong uthil yo kung! "
" yo ora ono hubungan e, wong loma sing malah soyo sugih yo akeh! "
Roda sak untoro nganteni ono ibu ibu tuwo Nemoni.
" dari kepolisian ya?, gimana ada kabar belum tentang menantu saya? " omonge deknen logat tyonghowa ne isih ketok.
" sabar bu kami masih menyelidiki"jawabe Ahmadi.
" kok lama sih?, ngapain aja e kerjane polisi tuh? "
" kami masih berusaha mencari informasi bu "
" oh yaudah, silakan cari itu informasi, TAN baru bangun, tadi malam sampai larut" omonge ibune TAN trus melebu karo njikuk hp neng meja trus ngubungi seseorang nganggo boso mandarin, nek pradugaku mesti ngundang anak angkat e.
"piye kung, weruh glibet e arwahe nyonya TAN ora? " takone Ahmadi alon
" Ora je kang, blas ora ono, embuh nek neng njobo " omongku
Ora suwe ono pawongan lemu potong cepak mudun seko lantai loro, senggoyoran mlaku e ngligo awak e kebak tato, ora pangling, iki mesti sing jeneng e TAN JI BENG, mripate abang, ketok nek mendem berat.
Menungso sing jenenge TAN JI BENG mudun seko lantai loro nemoni ming nganggo ketok cekak awak e ngligo kebak tato gek kayane mendem, ketok seko rupane.jiaan nyepelekke tenan. Eee karang wong sugih, wong sugih ki bebas.
" Gimana, hik komandan, sudah ketemu belum istri saya hik, ada apa mencari saya? " takone TAN karo dleweran ketok nek mabuk berat.
" belum..!, tapi kami menemukan titik terang, kemungkinan istri anda tidak hilang tapi meninggal! "
" APAAAH ...! TIDAK MUNGKIN ..! " bengoke TAN koyo wong kaget.
" KAMU JANGAN MAIN MAIN PAK POLISI..!, BUKTINYA APA KALAU ISTRI SAYA SUDAH MATI ? "
" TRUS SIAPA YANG MBUNUH ISTRI SAYA? "
" Makadari itu, kami masih mau melakukan penyelidikan, dan minta keterangan dari pak TAN! "
" Tolong ceritakan dengan jujur, kapan terakhir kali anda melihat nyonya TAN, dan apa sebenarnya yang terjadi saat itu? " takone Ahmadi
Sajake kang Ahmadi ngerti, nek si TAN lagi mabuk, biasane wong mabuk malah jujur. Tak sawang si TAN malah ngguyu plengah plengah trus crito
" DASAR WANITA MURAHAN TAK TAU DIUNTUNG!, malam itu biasa lah anak muda, aku mau ke tempat hiburan janjian minum minum sampai puas.. Hik, ditemani bidadari bidadari cantik...yang siap melayani ku setiap saat hik, Dunia ini sebenarnya surga bung..!"
"sebelum berangkat aku minum dikit lah untuk pemanasan, biar josss hik tau kan he he he. Eee ee istri ku si manusia sialan itu malah mau ikut.... Ganggu aja, eee.. Hik.. dianya ngotot tetep mau ikut, kan nggak asik tuh, aku pukul lah mukanya sampai jatuh. Jadi orang kok mau tau urusan laki laki ganteng aja.. Hik.. Eee dia malah nantang minta cerai, katanya setelah jadi istriku hidupnya seperti di Neraka... Neraka pale lu peang..! Hik tak bilangin sekalian... Hik.. Dulu hidup lu susah, miskin, serba kekurangan, papahmu utang dimana mana nggak bisa bayar... Hik.. Sekarang elo bilang seperti di Neraka.. Marah lah aku.. Aku tendang mukanya biar kapok.. Hik.. Ketika aku mau berangkat... Hik.. Eee.. Dianya masih berdiri meng halangangi mobilku.. Hik "
Durung rampung anggone crita...
" KAKAAAK...! APA YANG KALIAN LAKUKAN..! "
ono pawongan bagus mlebu omah trus gage ngrangkul si TAN.
" Sudah saya bilangin, jangan omong sembarangan ! ".
Sajake iki sing jenenge TIAN FANG adi angkat e si TAN, alias pengacara ne keluarga TAN.
Misteri Pembunuh Nyonya TAN
lagi ngrungokne crita ne si TAN JI BENG sing lagi mendem berat, kedadak tekane si TIAN FANG adine angkat,sing dadi pengacara ne kluarga TAN.TIAN FANG pawakan e cilik bagus, penampilan e rapi, ora koyo kakange acak acakan koyo wong ora nggenah. Tak sawang si TIAN FANG hormat banget nek karo kakange, kebukti kakange di tuntun di papah dijak munggah mlebu kamar.
"Sekarang silahkan bapak bapak pergi dari sini!!, kalian tidak boleh mengadakan introgasi tanpa seijin kami! " omonge si TIAN FANG.
" dan satu lagi, keterangan dari orang mabuk tidak bisa dipakai sebagai barang bukti di pengadilan..! "
" maaf kami tidak mengintrogasi, kami cuma mau mencari barang bukti! " Ahmadi mangsuli
" Silahkan tapi tidak boleh di dalam rumah ini, makadariitu silahkan keluar sebelum saya laporkan balik! " TIAN FANG ngancam
" piye kung? "
" Yo wis metu wae yo..! neng kene yo ora disuguh og " omonge si P.
" yo ayo! "
Lagi arep menyat, mak jegagik, aku weruh ARWAH GENTAYANGAN mlebu omah liwat ngarepku persis, sebagian sirahe mlowek jian ambyar, nganggo sandangan, terusan werno abang, tangan kiwone nganggo gelang seko giyok werno ijo.
Opo iki arwahe nyonya TAN?. Basan tak gatekke tenan jebol dudu, beda banget karo sing neng nggon foto, nek iki arwahe wong jowo deles heisss...hh
"ayo kung nylidiki neng njobo omah! " akone Ahmadi.
Wong telu gage metu njobo.
" aku yakin nek nyonya TAN, ora ilang ning dipateni bojone! " si P melu ngomong.
"hedeeh... nek perkoro kui we wis ngerti ket wingi clok!, sing baku kui jenazah e nyonya TAN di delikke nengendi ! "
" opo mungkin di delikke neng bagasi mobil e? " jare si P.
" Ora mungkin peee...!, wingi wes tak cek kabeh mobil e, neng kono ora ono! " jare Ahmadi
"lha terus awakdewe, arep mulai seko ngendi kang? " takone si P.
"kowe ora weruh glibet e nyonya TAN po kung? " takone Ahmadi
" blas ki kang, aku ora weruh! "
" paling kowe wis kelangan kemampuanmu kung! "
" aku mau pancen weruh wujud arwah gentayangan ning jelas dudu nyonya TAN! "omongku.
"wes saiki ngene wae, awak dewe mulai nyelidiki seko, patung sing ambruk pinggir ndalan kono, aku mau koyo weruh ono patung sing ambruk" omongku
Bareng wes tekan nggon patung sing ambruk.
" coba gatekno patung iki kang, iki ono bekas cet mobil, berarti iki ambruk mergo ditabrak mobil! " omongku
"berarti kene iki tempat kejadian perkara! " omong e si P malah nerangke aku 😥
"woh cerdas kowe pe..! "
" haku og..! "
" dugaanku, nggatukke critane si TAN JI BENG mau..mergo bojone ora oleh melu, trus ngadangi mobil e, lha karo si TAN tetep di tabrak keseret tekan kene, njur keplites, mobil e TAN oleng njur nabrak patung iki! " omongku menei gambaran kejadian.
" jos kung, masuk akal! "
" iki artine si korban keplites, alias nyonya TAN di kubur cedak cedak kene! " omongku
" nek ngono digolekki wae kedukan lemah anyar neng sekitar kene! " omongku.
Wong telu nyebar nggoleki bekas kedukan lemah anyar.
" KUUNG...! iki neng kene ono bekas kedukan lemah anyar! " krungu bengoke si P
CIANDAAAK ORA KOWE...!
" wes gek di dudah! " omong e Ahmadi
Aku karo si P ming pandang pandangan.
" gek di dudah pe..! " omongku
" kenopo kudu aku? " jare si P
" lha trus sopo?, mosok kang Ahmadi, yo ra mungkin , komandan je..!, mosok aku, soyo ora mungkin, wes gek cepet selak sore..!, kui ono pacul, dianggep wae golek cacing nggo umpan mancing! "
Si P trus kluntah kluntuh njikuk pacul karo ngedumel ora uwis uwis. 😂
Lagi intuk limang paculan
" KYAAAAAAAA! " si P mbengok karo mencolot
" ONO OPO PE ? " takonku melu njingkat😡
" ono ginyuk ginyuk! "
" HASSS NGEGET GETI... MBOK ORA GOJEG .. TERUSKE ...! " 😡
Bareng di dudah kabeh jebol ora ono isine, kosong ora ono jenazah sing di kubur..
" berarti jenazah e wis di pindah! " omongku
" di pindah ngendi yo kung?, kowe ora weruh arwah e po kung? ".
" Ora kang..!, sing jelas ngerti nyonya TAN di kubur ngendi ming bojone si TAN JI BENG "
" Dugaanku kebukti yen nyonya TAN dipateni karo bojone mbuh kui sengaja opo ora sengojo" omong si P.
"cen cerdas kowe pe! " 😀
" wes yen ngono awakdewe leren ndisik, mengko lak gusti meneh i dalan dinggo nemokke jasad e nyonya TAN "
" golek madyang yo kang..!, ngelih aku "
" siaap! "
Misteri Pembunuh Nyonya TAN
Crita sakdurung e, wis iso dipastekke yen nyonya TAN ora ilang nanging wis mati mergo ditabrak mobil karo bojone dewe. Ming jenazah e nyonya TAN durung di temokke.
Ming gumun ku lur..! , aku ora iso weruh arwahe korban, malah sing meruhi aku arwahe wong liyo.
Bubar madyang njujug hotel aku langsung turu blek sek mergo kekeselen.
Jam sepuluh isuk dino sakbanjure aku di gugah karo si P.
"kung..! tangi kung..!, kowe ki turu po mati e? "
" cocoteeeeee.. ngopo e peee..?, isih ngantuk banget aku " wangsulanku aras arasen.
" iki wis diampiri anggotane kang Ahmadi, jare awakdewe wis di tunggu neng kantor ! "
Gregah tangi, tak sawang wis ono polisi, jare aku kon neng kantor saiki... Hhh.
" Ada apa ya? " takonku
"siyap, saya diprintah komandan untuk menjemput bapak!"
"oke siap, saya tak mandi dulu, tunggu di lobi nanti saya segera mudun ! " omongku
" siap..! "
Polisi loro trus metu kamar
" pee..ono panganan ora?, ngelih aku
"woooo telat kowe kung, aku mau wes sarapan neng hotel "
" mbayar ora? "
" yo ora lah, wong nganggo kupon, servis hotel" jare si P
" aku kok ora di gugah? "
" lemu turu we koyo wong modayar, wis tak gugah bola bali ora tangi "
" wes gek cepet, selak do di tunggu! "
Singkat crita budal neng kantor polisi. Neng kantor aku wis di tunggu kang Ahmadi.
" ono opo kang? "takonku
" TAN JI BENG menyerahkan diri! "
" AAAPAAH! " 😱😱
" lha kok.. Rimih ora asik kih, aku durung ngajiaar kok wis menyerahkan diri.. Jian ora seru blas! " 😡😡omonge si P ketok nek gelo.
" lha saiki menungsane nengendi? " takonku
" kae lagi neng ruang khusus arep tak introgasi, melu yo kung! "
" Ora kang, aku ndelok seko njobo wae " omongku
TAN JI BENG, wes neng ruang introgasi sing digawe seko koco kae lho lur, sing iso di delok seko njobo. Kang Ahmadi trus mlebu ruangan, trus mulai nakoni si TAN.
Tak sawang si TAN raine pucat, awake ketok nek ndredeg koyo keweden.
TAN JI BENG, ngaku nek ora sengojo mateni bojone. Deknen arep mangkat mendem ro medok neng hotel, ning bojone ngotot arep melu, si TAN dadi emosi, dadi cek cok padu rame lah pokok e. Lha Pas arep metu nganggo mobil, nyonya TAN ngalang alangi, Trus diancam karo TAN JI BENG nek ora gelem sumingkir arep di tabrak. Nyonya TAN tetep kekeh ora gelem minggir, gandeng emosi TAN tetep nglakokke mobil e, karo di geber gas e, karepe nggo medeni bojone ben sumingkir. Mobil mlaku nyonya TAN arep ketabrak ning terus endo (menghindar) jare si TAN.
Nanging bareng meh tekan regol mobil e kroso mak grenjel koyo mlindes sesuatu, si TAN kaget, banting setir nganti nabrak patung.
Sing TAN mandeg, mudun mobil niliki bar mlindes opo?.
Si TAN JI BENG Kaget jebol sing keplindes bojone dewe nganti sirahe remuk.
Kaget campur bingung..ahkire mayite diseret trus ming waton di kubur neng pinggir dalan.
Akhire si TAN ora sido lungo, bali wadul karo ibune. Gandeng si TAN JI BENG banget di manja karo ibune, ibune melu nutup nutupi.
Subuh subuh mayite nyonya TAN kon mindah neng makam keluarga (ngebong = makam khusus warga keturunan tyonghoa) jejer bapak e TAN.
"Pantes wingi tak dudah wis kosong! " jare si P
Bar ngubur mayite bojone, si TAN kon gawe laporan neng polisi menowo bojone ilang, karepe dinggo ngilangi jejak.
Ibu ne TAN njaluk tulung anak angkate si TIAN FANG kon nglindungi kakange mbok menowo ono sing ora beres. intine ojo nganti si TAN JI BENG kecekel polisi.
Nanging si TAN JI BENG saiki malah menyerahkan diri mergo...
KEWEDEN DITEROR ARWAHE BOJONE.
jare nengendi papan diketoki arwahe nyonya TAN sing ngancam arep balas dendam..
"MODAYAR ORA KOWE ..!, rasakno saiki! "si P sajak marem krungu pengakuan e si TAN.
Kang Ahmadi mritahke anggotane, supaya ngecek jenazah e nyonya TAN neng makam keluarga dijikuk fotone dinggo barang bukti neng pengadilan.
Rodo sakuntoro nganteni, Akhire wis entuk laporan menowo jenazah nyonya TAN sudah di temukan. Kabeh polisi sing neng papan kono do keplok ngucapke selamat karo kang Ahmadi mergo kasuse wes kasil terbongkar lan tersangkane wis menyerahkan diri.
" lha mengko nek adine arep nylametke si TAN piye? " takonku
" wes ora iso di slametke kung, mbok nganggo ilmu hukum apapun, mergo wis ono pengakuan karo bukti wes komplit" omonge Ahmadi
Tenan wae, lagi dirasani si TIAN FANG teko.
" selamat sore, saya mau menemui kakak saya! " omonge TIAN FANG.
" kali ini pengacara FANG, kamu kalah..! , kakak mu sudah tidak bisa di selamatkan dari jeratan hukum! " omonge kang Ahmadi.
" kali ini saya datang tidak mau menyelamatkan nya, Saya cuma mau berpamitan sebentar, karena saya besok sudah pergi ke luar negeri dan mungkin tidak akan pulang ke Indonesia lagi ! " wangsulane TIAN FANG santai banget.
" Silahkan kalau begitu! " jawab e kang Ahmadi karo mlaku ngeterke pengacara TIAN FANG.
Ming sing tak gumuni lur... Kok mesti si TIAN FANG iki ditutke Arwah wedok rupa Jawa. Timbang penasaran tak ndek wae demitte.
", kowe ki sopo? " takonku
Ngerti aku iso weruh, deknen kaget, trus nangis ngguguk...sujud nengarepku njaluk tulung.
" wes rasah nangis, aku arep takon karo kowe, ayo tutno aku! " omongku karo mlaku metu ruangan golek nggon sing sepi.
" kamu itu siapa? "
" namaku YENI"
tak tanggap, arwah sing ngaku jenenge YENI crita seko A nganti Z
"OOO JEBOL NGONO TO !, HADUH MEH WAE !, PANTESAN ! "
" wes mengko tak beresane, keluargamu bakal tak kabari, kajadmu bakal tak luari saiki balio! "
Arwah penasaran mau mesem, trus plas ilang tak kedepke..
CANDAK TENAN SAIKIH 😀😀
Misteri Pembunuh Nyonya TAN
Seko keterangan e si Yeni aku dadi mudeng kasus iki. 😁🙏Aku gage mlebu kantor nggoleki kang Ahmadi.
"seko ngendi kung? " takone si P, ngerti aku mlaku rodo kesusu.
" MADIANG...!, jilaak.. Ngelih banget aku sekisuk durung kisen opo opo, hhh... Kang Ahmadi nengendi? "takonku.
" kae neng njero lagi gawe berkas dinggo ngunggahke kasus iki neng pengadilan"
Aku gage marani neng ruang kantor e di tutke si P.
Bareng wes ketemu Ahmadi.
"kang..! Si TAN JI BENG nengendi? " takonku
"kae tak lebokke sel!, piye?"
"wes di culke wae!, dibebaske ngebak ngebaki sel tahanan, kangelan makani...hhh wes wong sugih mangane nunut! " omongku
" kowe ki ngelih po kung? "
" ha nek perkara kui cetho..!, iki ono nasi kotak nggone sopo? "
" kui aku mau tuku, durung sempat tak pangan "
Tanpa basa basi langsung tak sikat ludes, ora urusan ha ngelih oq. 😁Ahmadi nyawang aku ming pasrah 😁
" wes saiki si TAN JI BENG kon bali wae! "
" kowe ki edan po piye kung?, le iso nyekel TAN JI BENG angel angel kok kon ngeculke ki karepmu piye? " si P melu omong
" wes kowe rasah weweeet, si TAN JI BENG ORA SALAH ..! DEKNEN KUI YO KORBAN ! " omongku
" maksudmu? " takone Ahmadi bingung.
"wes mengko tak terangke, saiki gawe surat resmi penggledahan rumah tersangka" akonku
Kang Ahmadi tak sawang koyo ragu ragu.
"gek di gawe..! Malah plonga plongo! "
" siaap! " 😥
" woh.. Bocah e nggleleng, mbagusi wani perintah atasan polisi!, wes sarapane di embat isih dikongkan kongkon!, jian kondang " omong e si P
" haku og..!, Dino iki arep dadi lakon aku! "
" woh kementus! "😁
Kang Ahmadi terus mrintah ankbuwahe kon mbebaske si TAN JI BENG, polisi sak kantor do kaget kabeh, mergo iso nyekel si TAN JI BENG merupakan prestasi yang sangat membanggakan. 😁
Ming aneh e si TAN JI BENG ora gelem metu seko sel tahanan mergo wedi ndak di weruhi arwah e bojone. Akhir e deknen di seret metu karo si P trus di dugang metu njobo 😁.
"sak iki siapno anggota bersenjata, barangkali mengko ono hal sing tidak di inginkan! " printahku nggleling😀
" siaap! "
" welook... Bocah e lagi idu dadi geni " si P ajar omong.
" Yen wes siap kabeh, budal di no iki! "
" nengendi kung? " takone Ahmadi
" NGGREBEG OMAHE TIAN FANG! "
😱😱😱😱😱😱😱????
Bareng wes tekan omah e si TIAN FANG, Lawang e tak kon nggedor, ora sah nganggo kulo nuwun ndak melayu, sing duwe omah kaget kepati, omah e di Grebeg polisi.
" JANGAN BERGERAK ! "
" LOH..? ADA APA INI? " takone TIAN FANG ketok bingung.
" rasah kakean cerewet..BORGOL! " printahku
TIAN FANG, langsung di bekekeng di BORGOL tangane, trus di lungguhke neng kursi. Tak sawang wis akeh tas tas di siapke, ketok nek wis arep lungo.
" APA SALAHKU, INI MELANGGAR HUKUM..!, KALIAN SEMUA AKAN SAYA TUNTUT..! " bengoke si tersangka.
Langsung tak parani trus tak tapuk cangkeme
" PLAAAK, PLAAAK! "
" KALAU SAYA SURUH DIAM, YA DIAM!, JANGAN OMONG KALAU BELUM SAYA TANYA! "
" wah kejem jebule kowe kung " jare si P
" ben..!, wong ngelih ki kejem! "
" mau wes madang to? "
" kapan? "
" woooo.. Lalen hedeeh" 😥
"KAMU TINGGAL SAMA SIAPA ? JAWAB ! " takonku nyentak.
" SENDIRI! " jawab e TIAN FANG
" PLAAAK..! "
" BOHONG..!,KAMU KIRA AKU BODOH YA..?, TRUS SIAPA YANG NYIAPKAN TAS TAS INI? "
" pembantu" omong e lirih.
"PE...!, GLEDAH OMAH IKI, REWANGE BOPONGEN GOWO RENE! "
" SIAAAAP! "
si P nek urusan karo babu jian semangat 😀
" Kyaaaaaaaaa! "
Krungu suworo wong wedok njerit njerit. Jebule di bopong tenan karo si P, hedeeh
Bareng wes di depke pembantune ming ndungkluk ora wani namatke, sajake syok, keweden. Langsung tak jambak rambute tak dangakke, tak duduhke raine.
" BAPAK BAPAK SEKALIAN!, NGENDI ONO PEMBANTU SING AYUNE KOYO NGENE! "
Kang Ahmadi sak anggotane malah plenggongan sajak durung mudeng. Hedeeeh
" NGENDI ONO PEMBANTU SUSUNE SAK MENE! "
????? 😱😱😱😁😁
" EH... MAKSUDKU, NGENDI ONO PEMBANTU TANGANE ALUSE KOYO NGENE! "
" hening tanganmu isih mek mekan neng kono... Hedeeeeh" 😥😥😥
"eh maksudku iki tangane alus! " 😥😥
" ISIH DURUNG MUDENG?, OPO PERLU TAK BUKAKKE PUPUNE SING MULUS? "
" ORAAAASAAAH! " omong e meh bareng 😥😥
" jilaak malah bathi okeh kowe kung! " omong si P
" HAYO IKI SING SELAMA IKI MBOK GOLEK I " omongku
" kui sopo kung? " takone Ahmadi
" OPO DO PANGLING? HAYO IKI SING JENENGE NYONYA TAN! "
WOOH.... 😱😱😱
langsung do kaget kabeh.
" lha menungsane durung mati kok kon nemoni arwah e, nganti jambul uwanen ora bakal ketemu". Omongku
"lha trus mayat sing di temukan neng makam keluarga TAN njur sopo? " takone Ahmadi.
AMBUNG CIPOK KLOMOH KOTOS KOTOS😁😁😁🙏🙏
Misteri Pembunuh Nyonya TAN
"Lha trus mayat sing ditemukan neng makam keluarga TAN kui sopo? " takonku Ahmadi" kae jenazah e si YENI! " omongku
" LOH KAMU KOK TAU ITU SI YENI!, YENI ITU SIAPA? " omonge si TIAN FANG rodo nggetak😡
tanpa basa basi langsung tak parani, trus tak tepuk cangkeme
" PLAK... PLAK "
" DIAM..! KAMU TIDAK BOLEH OMONG SEBELUM SAYA SURUH..! " 😡
" saya kan cuma tanya " 😥
" PLAK.. PLAK! "
" TIDAK BOLEH TANYA!, Ho o to kung? " jare si P melu melu napuki si TIAN FANG nganti perot hedeeh.
" KASUS INI ADALAH SEBUAH KASUS KONSPIRASI, DAN OTAK DARI KEJADIAN INI SEMUA ADALAH DIA! " omongku karo nunjuk TIAN FANG.
" tapuk ora kung? " takone si P
" lha yo cetho to yooo ...! Angger tanganku wis nunjuk ngono kowe kudu langsung tanggap! "
" siaap! "
" PLAK.. PLAK! "
" Sakjane ki piye to kung kok aku malah dadi bingung? " takone Ahmadi
" Tak terangke kejadian sak tenane ! " omongku nggleleng.
Berawal seko kelakuan e si TAN JI BENG sing senengane mendem karo main wedokan.Wis males nyambutgawe, dasar e bodho sisan.
Lha karo wong tuane sing sugihe ora umum kui si BENG di kawinke karo anake kencane sing jenenge Vivian (nyonya TAN) sing ayu koyo widodari, karepe ben si BENG mari ora nglonte meneh.
Ning dasar e wis dadi watake si BENG, didikane kawit cilik di manja, ora mari, malah soyo ndadi. Bapak e nganti loro setruk trus mati mergo ngrasakke plahe anakke.
Keluargane TAN sering cek cok. Malah si Vivian sering di kamplengi, diajar. Malah wis tau si Vivian di jebleske tembok nganti semaput. Vivian bola bali njaluk cerai ning ora tau di gape karo si TAN JI BENG.
Nah akhir e Vivian sering curhat karo adine ipe, si TIAN FANG iki, suwe suwe tuwuh roso katresnan kang tulus. Samben bengi pas TAN JI BENG lungo medok. Si TIAN FANG marani Vivian. Gandeng wong loro wis podo tresnane kepingin urip bareng.
si Vivian sering moro neng omah e TIAN FANG. Lha pas do melakukan hubungan badan ora sengojo konangan karo si YENI pembantune TIAN FANG.
"hubungan badan ki opo e kung? " takone si P
" KENTHU ..!, MING NGONO WE ORA RETI! " 😡😡
" aku ora ngerti tenan yoo..! "
" ming arep mancing ben aku omong saru to wuu.. Tidak bisa! "
" raaaak! "
" wes to kung! Gek di terosne! " omonge Ahmadi.
Gandeng wedi wadine kewiyak si TIAN FANG dua rencana jahat, mergo sadar Yen awak e Yeni karo Vivian meh podo dedeke yo podo.
Rencana jahat mulai dilakukan, TIAN FANG tuku klambi 2 sing podo rupane.
Awale si Yeni di racun . Bareng si Yeni wis mati trus disandangi podo karo Vivian. Jenazah e Yeni digowo neng omah e TAN JI BENG, didelikke neng taman.
Skenario awal di mulai, TIAN FANG ngubungi lonthe (wanita penghibur) sing biasa nglayani kakange, kon janjian Yen bengi kui arep Nganakke pesta sex, trus Vivian etok etok nyegah TAN JI BENG. TIAN FANG nganteni neng cerak pintu regol.
Begitu mobil e TAN lewat, mayite Yeni di deleh ndalan, akhir e mayite Yeni keplites.
Si TAN JI BENG kaget nganti nabrak patung sing di toto neng pinggir dalan, deweke mudun, niliki milites opo?. Gandeng klambine podo karo Vivian, dasar e papan e petang, disangkane bojone sing keplites...
Tekan saiki TAN JI BENG isih nyangka deweke mateni bojone.
Bareng rencanane berhasil TIAN FANG karo Vivian Neror si TAN mergo si TIAN FANG ngerti yen kakange ki jirih banget , si Vivian etok etok dadi hantu, sabun ndino diweden wedeni, ben menyerahkan diri lan ngakoni sing mateni bojone deweke .
Bareng ngerti si TAN JI BENG, menyerahkan diri, Wong loro iki terus arep lungo neng luar negri.
surat surat wis di palsukan atas nama e si Yeni.
"Iya apa ndak? " takonku karo TIAN FANG.
" tapuk ora kung? "
" Ora aa wong aku ora nunjuk og, ning kowe kudu siap.. Begitu ndeknen selak ora ngakoni langsung tepuk! "
TIAN FANG malah nangis..
" kenapa kamu bisa tau sedetil itu?, ini tidak masuk akal! " omonge pengacara FANG karo nangis ngguguk.
" siapa sebenarnya dirimu? "
" terus terang aku tak menyangka ini bisa terbongkar! " omonge TIAN FANG
" kowe kok iso ngerti yen iki vivian dudu Yeni ? " Ahmadi ganti takon.
"kenapa aku langsung tau kalau ini nyonya TAN bukan Yeni, coba perhatikan!" omongku karo ngangkat tangane Vivian sing ono gelang watu giyokke.
"batu giyok ini tidak bisa di lepas karena dia pakai sejak masih kecil " omongku
" Deloken foto nyonya TAN, pertama kali kowe nduduhi aku!"
Akhir e wong loro do nangis bareng, ngaku nek salah... hedeeh..
" vivian maafkan aku "
" tidak FANG... Aku yang salah "
" wes gek digowo neng kantor kang..!, diadili se adil adilnya!, keadilan kudu ngadek jejeg ora oleh kegowo perasaan! " omongku
Akhir e wong loro digowo neng kantor polisi.
" ojo lali kang, keluarga ne Yeni dikabari! "
" siap kung! "
" nek tak pikir, dunia iki ora adil yo kung! " omong si P
" si TAN JI BENG sing watake koyo bajingan malah bebas, sementara Vivian sing dadi korban malah arep di ukum" jare si P
"mbok kowe rasah mikir peeee...!,pikiran we ora duwe kok mikir! " 😂
=================================Tamat====================================
SC: Dokter Kung Top
0 $type={blogger}: