Duda Kembang

Koyo biasane lur..! Crito iki ming karangan , dudu kejadian nyata, dadi nek ono jeneng lan papan seng podho yoo maaf ora tak jarak..

Critane ngene..

***

Awan awan aku di parani kancaku, jenenge Danang.

" Weh nang ! Piye kabarmu kok suwe ora ketemu. Wah tambah langsing kowe sak iki !" Takonku. Si Danang meng mesem.

"Apik kok bro..!" Wangsulane deknen .

" Lha sak iki kowe manggon ngendi ? Isih neng wiro brajan po ?" Takonku

" isih broo..! Njuk arep manggon ngendi meneh ! Wkwkwk.. Warisan wong tuwo yo di wet wet..!" Jare danang .

"Sek tak gawekke kopi yo...! ben le ngobrol asik !" Siaap ! Wangsulane danang karo ngetokke udut njuk cres bul bul..

Mbasan kopi dadi tak sandingke karo ngobrol meneh " Anakmu wes piro nang ?" Takonku karo nyaut rokoke Danang , maklum aku kentekkan rong tuku , jebol ming kari sak ler ,

" wes di ntekne wae mengko tuku meneh !" Jare Danang ." Tenan ki ? Ra popo? Jane ra penak aku ming piye meneh ! " Halah koyo karo sopo wae !" jare Danang , " Aku Durung duwe momongan broo ! Wong bojoku malah klayu karo pacare mbiyen hhh...tros tak pegat !" Omonge danang . " Berarti sak iki dudo no koe ?" . Tros usahamu opo ? " Bakul kembang !" Brarti kowe saiki DUDA KEMBANG no !" Wkwkek..

Karang ketemu konco lawas ,wes suwe ra ketemu malah koyo reoni, ngobrol ngalor ngidul cekikak cekikik. Maklum lur konco mancing boncos wkwkwk ming tak batin kok ngobrol ket mau, rong akon aku tuku udud yo ? . " Jan jane aku moro ndene ki ono perlu ro kowe !" Omonge danang rodo serius. "ngopo arep tuku udud po ?" Takonku ngarep . " Udu !" Jare deknen " lha ngopo ?", Aku langsung tanggap hhh..

"wah sory aku sak iki lagi repot banget, ngerti dewe, okeh sumbangan dadi yo sory nang aku lagi ora cecekel " Omongku memelas ,

" padakke arep golek utangan hhiies jian, ket mbiyen ora rubah sifatmu. Angger ono wong sambat malah genten melu sambat wkwkwkk !" Jare Danang.

" Aku arep bloko karo koe, nek jan jane aku bar pegatan , njuk gandeg karo wong wedok jenenge Aprilia, tonggo deso, yo isih prawan ming rodo kasep, ning hubunganku karo si Aprilia ora di setujoni karo wongtuwaku. Ngerti dewe wong tuwaku !, Keras banget !" Loh ! Lha ngopo kok wong tuwamu ora setuju ki. Sing arep kimpoi ki bapak mbokmu po kowe ?'" Takonku, "yo... seng sak, ngertiku mergo Aprilia calonku kui ora pati Ayu , anake wong ora nduwe !" Jare danang .

" Loh wong arep bebojoan kuwi paitane tresno dudu bondo dudu rupo ! Neng Ati seng nggo paitan, timbang golek bojo Ayu neng mangan ati ..! mending golek ki sing Ayu , sugih , ngopeni bojo, manutan, ora galak, angger seng lanang kat mancing ora duwe sangu malah di sangoni !..iyo to lur !" Wkwkwk. Tros tros tros.

" Lha meneng meneng aku di nikahke karo bapake Aprill , ning siri ndisik, wong tuaku ora ngerti, nek ngerti mesti nesu !" Jare danang

" Lha kowe ki dadi wong lanang imbas imbis ora tegas mesakke si April nek ngono kui hhh!" Ben tak seneni sisan. " Lha aku bingung di lain sisi aku kepingin bekti karo wong tuwo di sisi lain aku wes kadung tresno karo Aprillia..!' jare danang " yo wes saiki karepmu piye ?" Njuk Danang ngomong nek deweke duwe simpenan tabungan neng lemari kamare Aku kon menehke si Aprill. Karo aku kon mbujuk bapak mboke si Danang ben gelem nompo April dadi mantune. " Yoh kapan kapan tak dolan nenggonmu !" Omongku.

Danang njuk njaluk pamit bali. Aku tros mlebu kamar ,biasa lur mbukak fb mancing wkwkwk mbok menowo ono seng Aplud spot wkwk.

Lagi penak penak leyeh leyeh krungu suoro motor bodhol , mandek ngarep omah hahahah.... Ora pangling motore si P. Ngopo meneh wedus ki moro ndene..hh

Angger si P moro ki aura buruk muncul .

Tanpo ndodok langsung mlebu omah padake omahe dewe wae..wkwkwk

" Arep layat ra ?" takone si P " layat sopo !" Loh... piye to ? Durung krungu kabar po ? " Layat sopo ?"

"Danang konco mancing mbiyen ! " Jare si p.

Duda Kembang

"Lambemu nek omong mbok ra waton pee ! , Senengane gawe isu !" Omongku .

" Piye to kih?, Diandani malah, maido !" Jare si p.

" hayo jelas maido!, Wong bocae wae bar seko kene ngobrol ro aku suwe kok, iso isone, kowe ki lambe lanang po wedok ? kakean nggosip "

"piye to iki kowe ki arep melu opo ora , wes do di enteni konco konco neng cakruk kae lho..!" Si p ngotot, aku yo ra kalah ngotot.

" wong Danang we bar udud bareng ro aku kok ! Ngeyel !"

"Sejak kapan si Danang Doyan Udud ? " Takone si p , weh ...ho'o si Danang ki ora udud je ??, " ning mau ki udud bareng aku wong, tak gawekke kopi barang kae cangkire iseh neng mejo !!" Omongku karo ndudui gelas kopine Danang seng durung tak lorot , " sejak kapan Danang doyan kopi ??" Takone si p meneh.

" Ning mau ki doyan ...! wong diombe srupat sruput nganti entek kok !" Omongku karo ndudui cangkir ???#$ kok isih wutuh kopine ??? " Endi genah isih ngono kok ! Kene tak ombene ...jare si pe karo nyaut kopi njuk gleg gleg diombe entek .

Aku malah plenggongan mergo bingung ??..njuk tak tiliki Asbak yo resik blas ra ono tegesan piye to ikih ..? Ndasku kok malah dadi mumet to...!? jantungku dadi sengal sengal grengg raiku kroso panas mergo kaget. " Danang ki loro suwe to, keno penyakit gulo jare ! Meninggale wingi neng RS. ! Le makamke mengko jam 2 !" Jare si P ..

Sek pe..sek pe ..ndasku malah njuk cleng clengan. Aku njuk ndodok nutupi rai ora kroso iloh ku metu ndrejes dewe..

" Malah nguyu cekikian di kabari kancane ra ono jiaan ra perasaan tenan kok kowe mas brow !" Jare si p, " iki nangis nyoook !" Walahh ndingaren ! Nganggo nangis barang. Wes gek salin wes di enteni cah cah kae !" Akone si p, aku tros menyat njuk gage salen klambi tros mbonceng si p . " Kowe mau kok ngonekke aku lambe lanang po wedok ki njuk bedane opo ?" Takone si p . " Nek lambe lanang ki nek ra di tapuk ndisik raiso mingkem !" Omongku ,Nek lambe wedok ? Tinggal ngadek we mingkem dewe ngono po ?" mbohhh rong tau iroh hahaha.

Duda Kembang

Mbasan tekan omah duka, wes kebak wong do takjiah. Aku deleg delek karo nyawang mbok mbok ono glibete si Danang. Mergo biasane ki lur ,nek moro layat kae aku sok iseh weruh arwahe seng meninggal.

Bingung ,tilang tilong kok okeh tamu ning kok ora ono seng gelem jak salaman. Mlebu metu karo ndeloke jenasahe dewe. Lha nek iki tak delok blas ora ketok, neng njero ,mburi omah yo blas. Ning kasus iki , rodo bedo karo kasus kasus sak durunge, nek biasane aku nyawang badan alus kui ora ceto ngiglo kae lho lur, tep isih ono bedane, hanek mau jian ceto ora bedo karo ketemu wong lumrah. Kpo mergo konco ?, Opo mergo aku dewe yo Arep mati ?, Asembohlah wong urip ki bakale mesti yo do mati , ming wektune awak dewe ora ngerti..! Yo to lur opo kowe arep kepingin urip terus wkwkwkwk.

Tak sawang neng njobo okeh konco konco mancinge si danang do kumpul. Ono Mbah joyo, si jondil, si Wowo raja jomblo , Abdul , kenyot, samir, lan akeh oraiso tak sebut mboko siji. Do ngomongke nek matine danang mergo kakehan gebleh, dadi sesok bakale urut kui le mati wkwkwk. Wong gebleh do kumpul , nek aku rodo awet wong olehan !. Seng di bahas opo meneh nekra perkoro umpan mancing hahaha.

Ming si P karo si kenyot. Sok sokan ngobrol tentang politik koyo ngerti ngertio politik cah goblok goblok we do nggaya hahaha

" Nek jaman mbiyen ki , ngelar jajahan utowo daerah kekuasaan ki carane werno werno sepisan nganggo coro perang, seng peng pindo Besanan, ngepek anake rojo kono, rojo kene, seng paling ngirit nganggo nyebar kepercayaan, wong ki nek wes bacut fanatik gampang anggone ngolah. Ujung ujunge yo ming duwet..!" Jare si p, mulai ceramah ra ceto hahaa

" Nek dadi dredah utowo perang ujung ujunge seng rekoso ki yo tep wong cilik ! Alesane dinggo kesejahteraan rakyat, mbeel.. kesejahteraan golongan iyo ! " Si Kenyot melu kotbah .

Marake wetengku dadi mules wkwkwk..ning gumunku seng do ngrungoke do matuk mantuk sajak mudeng...

Ora kroso jenasahe wes arep di angkatke. Bandosane wes di gotong metu , kaume wes mulai ngacarani upacara ke berangkatan jenasah..konco konco mancing yo wes siap do nggowo ember isi lumut,mengko dinggo acara tabur lumut..

Kilang kilong nggoleki Danang blas ora ketok. Opo wes bali neng Alam kelanggengan po yo ? lha njuk sing jenenge Aprillia sek endi ??

Bareng wes rampung kabeh do bali dewe dewe, ming kari dulure seng keri neng makam, blas ra ono glibete sing tak goleki.

" yo bali !" Omonge si p ngejak mulih ,

" sek pe..! Aku isih nduwe utang ro Danang je !" Jareku

" Wes tak bedek , nek utangmu tekan ngendi endi ..yo le nyaur neng ahli warise..!" .

"Dudu utang duwet nyuuk ...! , ning utang Amanah..!"

"Kowe ki duwe utang ro danang po Amanah ?" Takone si p ,

" mboh ..nyook ..! Ngeneki lho critane .....

Tros tak critakke kejadian mau sak durunge mangkat layat, nek aku di temoni si Danang.

" Yo wes...saiki awak dewe nggoleki seng jenenge Aprillia ! Mumpung tekan kene ..!" Jare si pe, karo bablas boncengan.

Duda Kembang

Ora suwe le nggoleki omahe April, ketemu karang ming tangga desane si danang..

Omah kotangan separo tembok separo gedek ning ketok regu, asri mergo seng duwe resikan. Tak dodok omahe sepi , lawange tutupan, " kulooo nuwuun ! Rodo sak untoro krungu suoro sandal seko njero omah, njuk mbukak lawang , wong wadon wetenge njembluk sajake lagi hamil. Mripate abang mbendul mbendul ketok nek bar nangis. Berarti Danang ki yo clutak wkwkk biyangane tenan kok pantesan.

" nopo leres niki daleme Aprill ?" Takonku , deknen ketok rodo kaget , namatke aku sajak ngeleng eleng.

" sinten nggih ?" Takone deken

" kulo niki rencange Danang !" Omonge si p

" kersane nopo nggih nggoleki kulo ?" Takone deknen

" njenengan mbak April nopo ?" Takonku, deknen mantuk, tros akon mlebu neng ruang tamu.

Jebul si April kui anake mbok yem, rewange keluargane Si Danang, kluargane danang ora setuju, mergo ming anak babu, tau si April di labrak karo bapak mboke.

Ning gandeng si April wes meteng 2 sasi dadi karo wong tuane di nikah siri neng kiai ,jare si April. Malah saiki danange malah wes dipundut njuk nasipe bayi iki njuk piye ? Omange April melas njuk sesenggrukan nangis menehhhhedehh...

" Nggih nek niku mengkeh ben diopeni si p konco kulo niki !" Omongku karo nunjuk si p.

" Mbahmuu ! " Jare si p wkwkwk.

si April ora ngguyu ning malah tambah nangis hedeehhh..

Dadi si April kui manggon ming karo mboke, bapake wes meninggal, jan jane April kui maune kerja neng pabrik ning gandeng meteng njuk metu hedehh.. Kui jenenge sudah tiba ketimpa anda wkwkwkk. Keree keree wkwkwk nasib ki nek lagi di gawe ngenes..

Tros gage tak critakke yen si danang nduwe simpenan sing arep di wenehke si April ning wujute opo aku dewe yo durung ngerti..

" Yowes nek ngono aku njaluk pamit, mugo mugo kabul opo kang dadi karepe Danang!" Omongku njaluk pamit karo Aprill,

" Aku ra ngarep arep kok kang !, di wenehi sokor , upamane ora yo ra popo. Bocah seng tak kandut iki tetep tak openi nek lair lanang bakal tak jenengi podo karo bapake ! Aku percoyo yen bocah iki mesti nggowo rejeki dewe seko seng gawe urip !" Ngono omonge si Aprill.

" Bener mbak ojo di guwang koyo nggon tipi tipi kae, nglairke bayi seng ora di karepke mergo isin njuk di guwang neng kali ,neng tempat sampah. Lha seng kepengen duwe anak nganti golek tombo tekan ngendi endi we akeh kok !" Si p melu nimpali.

Elok... lagi iki si p ngomonge bener wkwkwk..

Aku karo si p , boncengan moro neng omahe danang.

Mbasan tekan omahe danang, pas lagi do bubaran tahlil , aku njuk nemoni wong tuwane danang, tak critani opo seng tak alami ,seko A nganti Z. Intine amanate si danang nek barang simpenane arep di wenehke bojone , bapake danang gandeng wong kaku banget

Muntab raine mbalik Abang ketok nesu.

" Bojone Danang ki sopo ? Aku ora rumongso duwe mantu kok , kowe ngandakke bojone danang !?" Omonge bapake karo menteleng .

" Duwe wae ..., ming kowe ra ngerti !" Omange si p yo melu emosi hedehh. Gandeng neng kono isih okeh sedulur tros do ngrubung pingin ngerti ono opo , bapake danang kok bengok bengok.

" kowe ki sopo ? Wani wanine ngarani nek Anaku wes duwe bojo !"

" Lha nyatane wes duwe tenan ok ! ngeyell , diomongi malah nyethe nyenthe..kowe ki !" Omonge si p , hedeeh wes podo podo le wong mburok kih

" wes wes wes sabar nggih pak..! kowe barang pee...! rasah melu emosi !" Omongku alon

" Lha mangkel je wong tuwo diomongi malah nyentak nyentak. Sampeyan niku tresno kaleh anak mboten ?nopo sampeyan pingin anak sampeyan disekso teng alam kubur ? Goro goro duwe masalah seng durung rampung !" Omonge si p.

" Nek kudune sampeyan niku wes tuwo kudu luwih bijaksana , luwih sabar , iso dinggo tepo tauladan ora mburu benere dewe peh ngendelke le tuwo..! Nek ono wong omong ki di rungokke ndisik ..! Ora waton nesu , pantesan anakmu mati ngarasakke wong tuwane gampang emosi, rumangsane emange seng iso nesu ming kowe tok !" Jare si p nrocos koyo sepur wkwkwk. Bapake danang nganti muntir wkwkwk..

" maksutku ki bojone danang sopo?.." omonge bapake danang rodo lirih wkwkwk kalah mental.

" Jenenge Aprill, anake rewangmu mbok yem..!" Omonge si p karo mecucu.

Bar kui mbokyem diundang ditakoni bapake Danang . Mbokyem teko rodo ndredek mergo ngerti juragane galak.

" Opo bener nek si Danang kui ono hubungan karo anakmu ?" Mbok yem meng meneng ndingkluk .

" Rasah wedi mbokdee, omong wae nek April anakmu kui sak iki lagi meteng anake Danang !" Jare si p.

Krungu nek April meteng anake danang dadi geger sak naliko.

Duda Kembang

Bareng krungu kabar yen Danang duwe hubungan karo Aprill anake rewange, geger saknaliko..

" Opo tenan yemm..! Nek anaku gandeng karo Aprill anakmu ?". Takone bapake sajak ra percoyo. Si mbok yem meneng ndungkluk tros mantuk grengg. Wong seng do melu ngrungokke do melu ubur..

"wes sak iki ben luwih cetho Aprill konen mrene !" Akone bapake danang.

" wes tak petuke !" Jare si p ,

" sopo seng akon kowe metok ! " Omonge bapake danang karo si p ,

" Wo...petuken si Aprel anake mbok yem !" Akone bapake danang karo Bowo supire , gage si Bowo ngetokke mobil bablas neng omahe mbok yem .

Ora suwe April teko tros kon ngadep bapake Danang...

" Bener nek Anak seng mbok kandut kui anake Danang ?" Takone bapake danang..

" wes omong wae ...! rasah wedi..!" Omonge si p kemaki. Si April ming mantuk . Bapake danang tros ngomong

" yo wes nek pancen ngono ..! sesok nek Anakmu lair tak openane !"

"Wooo... yo ora ngono pak..! Kui jenenge ming arep menange dewe..! " Jare si P ngotot..

" njur Aku kudu piye ?"

"Ngeten pak, nuwon sewu niki , ingkang dipun aturaken rencang kulo niki leres. Ingkang baku meniko pengakuan bilih mbak April meniko mantu sah panjenengan ! Mboten njuk anake diaku putu ibune ora diakoni mantu. Nopo melih bar lair dijaluk dipisah kaleh mboke, niku sampean dadi wong kejem, niku mboten ngangge mbut lhoo. Dasare nggih si danang pon bacut clutak ngetengi dasare melih, si April niki yo wes nikah siri, ning nek miturut pendapat kulo niki kudu enggal di urus menjadi istri sah secara hukum, ben anake April niku duwe hak waris seko Almarhum bapake..!" Omongku ngedem suasana

" Lha bapake wes mati ki njuk le ngesahke piye horo coba?" Takone bapake .

"angger bloko opo anane mengko lak di uruske !" Jare si p sok tau..hhh.

" Lha Danang ki duwe warisan opo ! Nyambut gawe seprono seprene blas raono seng cementel.." "makane niku koyo seng tak aturake wau nek mas Danang duwe simpenan teng lemari kamare arep di wenehke April " omongku

"Ning kulo niki mbonten njaluk lho pak !" Omonge april rodo wedi.

" lha isine opo lemarine Danang ?"..takone bapake meneh.

" lha..embuh makane di bukak disekseni bareng bareng !" Omonge si p yo ketok nek kepo wkwkwk..

" Yo wes saiki cobo di bukak lemarine ! " Omonge bapake, tros do mlebu kamare danang do kepingin ngerti..

" pon nggih , niki kulo bukak nggih do di sekseni kabeh ..!" Omongku karo mbukak lemari.

Duda Kembang

Byaak...

Neng njero lemari isi gombal pakeane Danang. Karo neng rak ngisor ono sirup sak botol bekas lebaran wingi paling, karo kaleng biskuit...

Mbasan tak bukak kaleng biskuite do kaget kabeh. Jebul isine wes ganti rengginang.

hedehh.

" Mosok ...rengginang ?" Takone si p ra percoyo.

"Hanek isine cen rengginan hanjuk piye..? Mosok aku njuk muni isine duren ! Gilo nek ra percoyo..!" jareku karo nduduhi isine kaleng biskuit , karo kabeh seng do neng kamar..njuk malah do nyuil tros do di icipi dipangan termasuk si p

" hooh ..nek iki tep rengginan..!"jare salah sijine dulure...

" Ooo...dadi matine danang ki mergo keracunan rengginan njamur iki to !" Jareku..

Sontak seng do bacut mangan mau gebres gebres ro misuh misuh ndelokke aku wkwkwk.

"Ah.. mbok di goleki sek tenan ora do gojek !" Jare bapake . Si April tak sawang yo melu ingak inguk hahaha jebul yo ngarep ..

" coba nggon laci kui di bukak isine opo ?"

Bareng dibukak lacine isine meng poto poto lawas , majalah majalah dewasa lawas koleksine danang ketok nek cah ngocokan ..hhh

" Asuoq danang ki duwe koleksi kongene ora tau omong akuh !" Jare si p.

Hies malah do dideloki ro dulur dulure danang wkwk.. njuk karo bapake danang do dijaluk arep di obong jare..

Lemari di obrak abrik blas ra ono sek berharga.

" Biyangane tenan kok kowe ki ..! Gene ora ono apa apane tiwas tak rewangi padu ro bapake ngih pak nggih !" Omonge si p nyengol aku

" yo seng affu ki Danang wong wes modyar we iseh ngapusi ..jindut nanoq !" Omongku gah di salahke.

Duda Kembang

Ning kok aku curiga karo lemek pakean seng rodok metutuk tros tak rogoh..

" lhaaa iki opo seng do di goleki !" Omongku karo nduduhi buku tabungan werno biru sak ATMe ,ndak di kiro ngapusi tak delok isi saldone ono 600 jutaan punjul tros tak pasrahke Bapake danang . Karo bapake danang ora di delok isine , karo di sekseni dulur dulure diwenehke si Apriil karo di peluknjaluk ngapuro

" wes saiki aku anggepen Bapakmu dewe..!" Mboke danang yo melu ngrukep si April malah do tangis tangisan . Kelangan anak lanang entuk anak wedok jare bapake danang, si April tak sawang yo melu nangis. Aku ro si p tros mulih..

" jebul tabungane danang akeh yo !" Omonge si p .

" Hayo wajar wong sregep nyambut gae kok..! Omongku .

"Kasus selesai ming ra ono hasile ki ," jare si p.

" Tenang wae pee.. rejeki ki wes ono sek ngatur..wkwk delok ngkas Aprell lak moro nenggonku !"

"hangopo. ?"

"Takon no pin Atme danang wkwkwk" .

================================TAMAT================================

SC: Dokter Kung Top